Naperwisyo ang libu-libong pasahero ng Metro Rail Transit (MRT) 3 matapos tamaan ng kidlat ang kableng dinaraanan ng tren noong Linggo ng gabi.

Ayon kay MRT-3 General manager Roman Buenafe, dakong 6:30 ng gabi kamalawa nang tamaan ng kidlat ang kable sa ibabaw ng isang tren na bumibiyahe sa pagitan ng Santolan at Ortigas stations dahilan ng paghinto nito.

Nagtagal ng 10-minuto sa loob ng humintong tren ang mga pasahero bago sapilitang pababain ng MRT personnel.

Walang nagawa ang mga pasahero na nagmistulang “basang-sisiw” kundi sagupain ang malakas na ulan habang naglalakad sa gilid ng riles dulot ng naturang aberya.

Agad nagpatupad ang pamunuan ng MRT ng provisionary service o limitadong biyahe ng tren magmula Shaw Boulevard station sa Mandaluyong City hanggang Taft Avenue sa Pasay City.

Sen. Imee sa muling pagkabuhay ni Kristo: 'Simbolo ng bagong simula'

Dinala ang nasirang tren sa Pasay depot upang kumpunihin para maihabol at magamit sa operasyon ng MRT kahapon.

(Bella Gamotea)