CAMILING, Tarlac – Kapwa nasugatan ang dalawang driver ng bus at 14 na pasahero matapos na magkabanggaan ang kanilang mga sasakyan sa panulukan ng Burgos at Romulo Streets sa Barangay Poblacion A sa Camiling, Tarlac.
Sa imbestigasyon ni PO1 Maximiano Untalan, Jr., nagkasalpukan ang pampasaherong Cisco Bus (ABG- 5603) na minamaneho ni John Novero, 37, may asawa, ng Burgos, Pangasinan; at ang Dagupan Bus (ABE-2906) na minamaneho naman ni Ruel Alcantara, 41, may asawa, ng Rosario, La Union.
Sugatan din sina Fausta De Mayo, 29, ng Bgy. Palimbo, Camiling; Abner Brigemo, 32; Marlon Verlencerina, 22; Jay Castro, 40; Rommel Rosario, 42; Jose Acosta, Jr., 39; Melissa Bravo, 26; Alfredo Austria, Jr., 28; Remegel Bristol, 24; Mesug Mama, 49; Angelita Fernandez, 58; Teresita De Quintos, 60; Hampde Lomong Calob, 28; at Tita Cruz, 77, pawang taga-Pangasinan.
Dakong 2:58 ng umaga, bumabagtas ang Cisco Bus sa Camiling Bridge nang aksidente itong nabangga ng Dagupan Bus kaya bumulusok ang una sa umbrella tree at bumalandra sa kalsada ang Dagupan Bus. (Leandro Alborote)
