Atletang Pinoy, may sendoff kay Digong-Balita

Sa kauna-unahang pagkakataon, makalipas ang napalitang administrasyon, makatatapak sa Malacanang ang atletang Pinoy para tanggapin ang papuri at suporta kay Pangulong Duterte bago ang kanilang pagsabak sa Rio Olympics.

Tapik sa balikat ng mga atleta, nagkwalipika sa Rio Games matapos ang pahirapang qualifying meet na nilahukan, ang paglalaan ng panahon ng Pangulo bago ang kanilang pakikipagtagisan ng husay at lakas para sa minimithing gintong medalya sa quadrennial meet.

Sa kasaysayan ng paglahok ng bansa sa Olympics, ang silver medal na huling pinagwagian ni boxer Mansueto ”Onyok” Velasco noong 1996 Olympics sa Atlanta ang pinakamataas na tinapos ng Pinoy sa pinamalaking paligsahan sa mundo.

“We’re very, very happy and excited. For the first time, nakatikim uli kami ng sendoff sa Malacañang. Nakatutuwa dahil talagang sinuportahan namin si Presidente Digong dahil alam namin na kakampi siya ng mga atleta. Hindi naman kami nabigo,” pahayag ni SEAG long jump record holder Marestella Torres-Sunang.

Kabilang ang 34-anyos na multi-titled na si Torres sa anim sa 11 kuwalipikadong atleta sa Rio Olympics ang magbibigay ng courtesy call kay Pangulong Duterte ganap na 2:30 ng hapon sa Malacañang.

Sasamahan sila ng bagong Philippine Sports Commission (PSC) Board na binubuo nina chairman William ”Butch” Ramirez at commissioner Ramon Fernandez, Celia Kiram, Arnold Agustin, at Charles Maxey.

Inaasahang manunumpa na rin ang limang opisyal kay Digong.

Hindi makakasama si marathoner Mary Joy Tabal na kasalukuyang nasa training camp sa Japan, habang nagsasanay din sa US sina boxer Rogen Ladon at Charly Suarez.

Kabilang naman si Ian Lariba ng table tennis sa Team UAAP-Philippines na sumasabk sa ASEAN University Games, habang si Kirstie Elaine Alora ng taekwondo ay nagsasanay sa Korea.

Makakasama naman sa Malacañang si Eric Shauwn Cray na sasabak sa 400m hurdles ng athletics at sina Hidilyn Diaz at Nestor Colonia sa weightlifting.

Nasa listahan din si golfer Miguel Tabuena at swimmer na sina Jessie Khing Lacuna at Jasmine Alkaide na nabigyan ng slots sa Rio sa pamamagitan ng “universality policy “ ng FINA. - Angie Oredo

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...