PARIS (AFP) – Nagimbal ang mga politiko sa buong mundo matapos araruhin ng isang truck ang mga tao sa French resort ng Nice, na ikinamatay ng 84 katao habang nanonood sila ng Bastille Day fireworks display.
Kinondena ni US President Barack Obama ang aniya’y ‘’horrific terrorist attack’’ at nagpaabot ng “solidarity and partnership with France.”
Nangako naman si US Secretary of State John Kerry na magkakaloob ang Amerika ng “whatever support is needed.’’
Nagpaabot ng simpatiya si Canadian Prime Minister Justin Trudeau habang tinawag ng tagapagsalita ni British Prime Minister Theresa May ang atake na ‘’terrible incident,’’ idinagdag na ‘’we are shocked and concerned’’.
Mahigit 40 unggoy, nakatakas sa isang research compound sa South Carolina
Nag-tweet si New York mayor Bill de Blasio na siya ay ‘’sickened by news of another senseless attack’’.
Tinawag ito ni European Council President Donald Tusk na ‘’a sad day for France, for Europe’’.
Kinondena ng United Nations Security Council ang atake na ‘’barbaric and cowardly’’.
Nagdeklara si Brazilian interim president Michel Temer na: ‘’Today, more than ever, we are all French.’’ At sinabi ni Ecuador President Rafael Correa na nais niyang yakapin ang France matapos ang ‘’tragedy caused by insanity’’.
