Graft case sa NBN-ZTE deal, ipinababasura ni Arroyo-Balita

Graft case sa NBN-ZTE deal, ipinababasura ni Arroyo

Naghain si dating pangulo at ngayo’y Pampanga Representative Gloria Macapagal Arroyo ng mosyon sa Sandiganbayan Fourth Division para ibasura ang kasong graft na isinampa laban sa kanya kaugnay sa maanomalyang National Broadband Network (NBN)– ZTE deal noong Abril 2007.

Sinabi ng abogado ni Arroyo sa kanyang demurrer to evidence, isang mosyon para ibasura ang isang kaso dahil sa kakulangan ng sapat na ebidensiya, na hindi siya nag-solicit ng anumang golf game sa mga opisyal ng ZTE, at hindi rin humiling ng anumang “lunch” mula sa mga ito.

Nauna nang inakusahan ng Office of the Ombudsman si Arroyo ng paglabag sa Section 7 (d) R.A. 6713, na kilala rin bilang Code of Conduct and Ethical Standards for Public Officials and Employees, matapos siyang magpasya na tanggapin o tumanggap ng “entertainment, gift or favor from ZTE or its officials in the form of golf and lunch in connection with the proposal being considered by the National Economic Development Authority (NEDA) and Department of Transportation and Communication (DOTC).”

Gayunman, sinabi ng mga abogado ni Arroyo mula sa Flaminiano Arroyo & Duenas na nabigo ang prosekusyon na patunayan ang halaga ng larong golf at tanghalian na kinain ni Arroyo, at lalong hindi napatunayan na kumain man lamang siya.

Kasabay nito, sinabi nila na ang larong golf at ang tanghalian ay hindi ibinigay dahil sa pag-aasam ng kapalit na pabor mula kay Arroyo.

Ngunit ang pinakamalaking depensang pinanghawakan ng mga abogado ni Arroyo ay may kaugnayan sa territorial jurisdiction. Ipagpalagay na totoong tumanggap ng pabor si Arroyo mula sa mga opisyal ng ZTE sa porma ng entertainment o regalo, ikinatwiran ng kanyang mga abogado na ang Sandiganbayan “has no jurisdiction over the alleged criminal offense since the act of receiving the ‘gifts’ of ‘golf’ and ‘lunch’ took place in China.”

Isa pang demurrer to evidence ang inihain ng kampo ni Arroyo ay may kinalalam sa diumano’y personal niyang interes sa approval ng NBN project, dahil nabigo ang prosekusyon na patunayan na si Arroyo “had knowledge of the supposed attempt by Commission on Elections Chairman Benjamin Abalos Sr. to bribe NEDA Secretary Romulo Neri with P200 million to immediately approve the ZTE proposal.” (CZARINA NICOLE O. ONG)

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...