Handa ang Malacañang na magsagawa ng imbestigasyon kaugnay ng sunud-sunod na pagpatay sa mga hinihinalang sangkot sa ilegal na droga sa bansa.
Ang reaksiyon ng Malacañang ay kasunod ng komento ng human rights lawyer na si Manuel Diokno na “out-of-control” na ang drug war sa bansa, dahil sa halip na batas ay baril na ang nagpapatupad ng hustisya.
Ayon kay Presidential Spokesman Ernesto Abella, dapat talagang maimbestigahan kung mayroong ebidensiya kaugnay ng alegasyon ng paglabag.
Nilinaw ni Abella na hindi naman manhid ang Malacañang sa mga nangyayari, pero iginiit na kung may mga reklamo ay kailangan at dapat na imbestigahan ito.
National
