Sa panahon ngayon, tila naging mahalagang bahagi na ng pangaraw-araw na buhay ang smartphones – at may bagong pag-aaral na nagmumungkahi na ang pagtetext sa gadget ay maaaring makapagbago ng mga proseso sa utak.
Maaaring maging sanhi ang pagtetext ng pansamantalang pagbabago sa proseso ng brain waves ng tao, na nagbubunga ng kakaibang pattern sa texters, ayon sa researchers.
Tinawag ng mga scientist ang kakaibang unique pattern ng brain waves bilang “texting rhythm.”
BALITAnaw: Ang dalawang babaeng naging pangulo ng Pilipinas
Nagulat sila na ang rhythm ay maaaring ma-prodyus ng iba’t ibang pasyente sa pag-aaral, sabi ni Dr. William Tatum, neurologist sa Mayo Clinic College of Medicine sa Jacksonville, Florida at ang pangunahing author ng nasabing pag-aaral. Kakaiba ang pagkadiskubre ng bagong pattern ng brain-wave – mas normal ito sa mga taon noong bandang 1920, kung saan ang device na electroencephalogram (EEG), na nagpapakita ng aktibidad sa utak, ay naimbento, sabi nito.
Sa pag-aaral, gumamit ang researchers ng EEG monitoring para matingnan ang brain waves ng 129 na tao habang sila ay nagtetext o gumagawa ng ibang aktibidad. Ang iba naman sa mga pasiyente ay na-diagnose na may epilepsy, ayon sa pag-aaral.
Bukod sa pagtetext, ang mga tao sa pag-aaral ay pinagawan ng ibang gawain – tulad ng ibang pag-galaw, cognitive activities at speech – para makita kung ang mga nasabing gawain ay magreresulta sa parehong rhythm, sabi ni Tatum sa Live Science. Pero, ang brain-wave pattern na napagmasdan ng mga researchers habang ang mga tao ay nagtetext, sa smartphone o tablet, ay hindi nakita kapag ang mga tao ay gumagawa ng ibang gawain, sabi niya.
Natagpuan na 27 katao sa pag-aaral ang nagpapakita ng texting rhythm, kasama ang ibang mga pasyente na may epilepsy at iba na walang kondisyon, sulat ng mga researchers sa kanilang pag-aaral, na nilabas sa isyu noong Hunyo ng journal Epilepsy and Behavior.
Hindi pa tiyak kung bakit hindi lahat ng tao na kasama sa pag-aaral ay hindi nagpakita ng texting rhythm, ani Tatum.
Ngunit, ang ibang “reactive” brain rhythms na natagpuan ng researchers – tulad ng mga na-trigger na flashing lights, hyperventilation at mental concentration – ay hindi rin nangyari sa lahat, sabi niya.
Patuloy na nag-iimbestiga ang mga researchers kung sino sa mga tao ang makakaranas ng texting rhythm, sabi nito.
Marami pa ring mga katanungan tungkol sa resulta at marami pang kailangan na pag-aaral tungkol sa brain-wave pattern, sabi ng mga researchers.
Idinagdag ni Tatum na sa puntong ito ay walang indikasyon na kailangang baguhin ang pamamaraan sa paggamit dahil sa texting rhythm.
“We are making an effort to verify that this is an active rhythm without harm given the time-synced nature of the rhythm when it appears,” aniya.
Pero, iminumungkahi ng pag-aaral na ang pagtetext ay maaaring makapagpabago ng brain activity, na mas nakakatulong sa mga batas na nagpapahinto sa texting at driving, saad ng researchers. Ang pagtetext ay nagsisilbing “simple distraction,” anila. (LiveScience.com)
