Vigilante group, espiya ng DILG vs drug syndicate

July 05, 2016

Inihayag ni bagong Interior and Local Government Secretary Ismael “Mike” Sueno na gagamitin ng kagawaran ang mga dating vigilante group laban sa ilegal na droga at mga drug syndicate sa bansa.

Ayon kay Sueno, kabilang sa mga dating vigilante group ang “Alsa Masa” at “Nakasaka”, na nakabase sa Mindanao na lumalaban noon sa makakaliwang grupo, na kinabibilangan ng Sparrow Unit ng New People’s Army (NPA).

Aniya, matapos mailatag kay Pangulong Rodrigo Duterte ang planong paggamit ng mga dating vigilante group ay sinang-ayunan niya ito.

Nabatid na ang “Alsa Masa” at “Nakasaka” ang gumaganti sa mga Sparrow Unit na pumapatay sa mga awtoridad.

Agad namang nilinaw ni Sueno na hindi gagamit ng baril ang nasabing mga vigilante group, kundi gagamitin bilang spy o mata laban sa mga tulak at drug lord.

Kasabay nito, tututukan din ni Sueno ang peace and order katuwang ang mga opisyal ng barangay, dahil ang mga ito ang nakakaalam sa mga taong tiwali sa kanilang lugar.

Tiwala rin ang kalihim na sa loob tatlong hanggang anim na buwan ay malilipol ang matinding problema ng bansa sa ilegal na droga at kurapsiyon, sa pagtutulungan ng Philippine National Police (PNP) at mga lokal na pamahalaan.

(JUN FABON)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...