WELCOME, RODY; GOODBYE PNOY

July 04, 2016

WELCOME, Rody! Goodbye, PNoy! Parang pagpasok ng Bagong Taon at paglisan ng Lumang Taon. Umaasa ang mga mamamayan sa mga pagbabago (“change is coming”) na ipinangako ni President Rodrigo Roa Duterte (RRD) na hindi nila nakamit sa panahon ng “Tuwid na Daan” ng PNoy administration.

Sana naman ay hindi mabigo ang 16.6 milyong katao na bumoto kay President Rody na kilala sa Davao City bilang machong alkalde, palamura at mabangis sa mga kriminal at drug pushers-users, pero malinis ang pangalan sa kurapsiyon at walang pasensiya sa mga taong sangkot sa ilegal na droga, smuggling, at rape. Sana ay masugpo niya, gaya ng kanyang ipinangako, sa loob ng 3 hanggang 6 na buwan ang salot ng illegal drugs.

Marami ang nagtataka kung bakit hindi idineklarang pista opisyal ang Hunyo 30, ang araw ng inagurasyon ng ika-16 na Pangulo ng Pilipinas. Talaga raw bang ugali ni PNoy na ang ganitong tradisyunal na okasyon ay hindi pinahahalagahan?

Noong panahon ni Fidel Ramos, idineklara niyang pista opisyal ito sa pagpalit sa kanya ni Joseph Estrada. Ganito rin ang ginawa ni ex-PGMA nang si PNoy ang pumalit sa kanya. Maging si Tita Cory na ina niya ay nagdeklarang pista opisyal ito nang palitan siya ni FVR noong 1992.

Ngayon, hindi na presidente si PNoy. Tutuparin kaya niya ang madalas sabihin noon na siya ay mag-aasawa na? O, ang mga pahayag niya noon ay propaganda lamang at walang kahulugan? Ang binatang pangulo ay 56-anyos na at hinog na hinog para humanap ng makakasama sa buhay. Maraming magagandang babae na naugnay sa kanya noong siya pa ang presidente, pero walang nangyari. Mahirap ang nagsosolo sa bahay.

Sabi nga sa akin ng kaibigan kong palabiro pero sarkastiko, kung kina Pareng Erap at President Digong nangyari iyon, siguradong mga tuhog sila. Badya naman ng kaibigan kong senior-jogger, mukhang wala talagang hilig sa babae si PNoy.

Anyway, hindi naman siya malulungkot sa pag-iisa sa Times Street na pina-renovate ng kanyang mga sister, dahil makakasama niyang madalas sina Joshua at Bimby.

Noong siya pa ang pangulo, malimit niyang sabihin na wala siyang panahon sa pag-aasawa dahil gusto niyang mag-concentrate sa panguluhan para sa kabutihan at kagalingan ng sambayanang Pilipino. Pero Mr. ex-President, mismong ang mga Pinoy ang nagnanais na mag-asawa na kayo.

Pangulong Noynoy Aquino, bago magtakip-silim at lubusang maglaho ang liwanag ng araw, ipinapayo ng taumbayan na manligaw na kayo ngayon dahil hindi na nakaatang sa inyong balikat ang bigat ng pananagutan ng isang Punong Ehekutibo! (Bert de Guzman)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...