Arestadong Chinese drug trafficker, kinasuhan na

July 04, 2016

Kinasuhan sa Quezon City Prosecutors Office ang isang Chinese, na tinagurian ng pulisya bilang “shabu queen”, matapos ito maaresto sa isinagawang anti-drug operation ng mga operatiba ng Quezon City Police District (QCPD) sa Quezon City, kamakalawa.

Kinilala ni Supt. Robert Salem, hepe ng Batasan Police Station 6, ang hinihinalang lady drug courier na si Tuan Xi Yao, alyas “Sally”, 33, tubong Fujian, China, at kasalukuyang naninirahan sa Alpha Grandview Condo, Pasay City.

Nakapiit ngayon si Sally sa detention cell ng QCPD PS6-SAID matapos sampahan ng kasong paglabag sa RA 9165 (Comprehensive Dangerous Drugs Act).

Base sa inisyal na ulat ng Station Anti-Illegal Drugs (SAID) ng QCPD-PS6, bandang 1:30 ng umaga nang isagawa ng mga operatiba ang buy-bust operation laban sa suspek sa isang lugar sa Commonwealth Avenue sa Barangay Batasan Hills, Quezon City.

Makaraang makipagtransaksiyon ang police agent at tinanggap ang P100,000 marked money ng Chinese drug trafficker sa naturang lugar, agad itong pinosasan ng mga tauhan ng QCPD.

Nasamsam sa suspek ang shabu na nagkakahalaga ng P100,000 at drug paraphernalia, pati ang marked money na ginamit sa entrapment operation. (Jun Fabon)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...