2 sa DoLE, patay sa holdap; P2.4M, bigong matangay

July 01, 2016

Nabigong matangay ng mga holdaper ang P2.4 milyon cash na pangsahod sa mga benepisyaryo ng Special Program for Employment of Students (SPES) ng Department of Labor and Employment (DoLE), ngunit napatay nila ang dalawang kawani ng kagawaran na kanilang hinoldap sa Barangay Maputi, Naawan, Misamis Oriental, iniulat ng pulisya kahapon.

Ayon sa report ng Naawan Municipal Police, kinilala ang mga biktimang sina Daniel Bacla-on at Ulysis Laborte, kapwa kawani ng DoLE-Iligan City.

Binaril sina Bacla-on at Laborte ng dalawang suspek makaraang holdapin sa Purok 11 sa Bgy. Naputi.

Ayon kay SPO2 Danny Macario, sakay ang mga biktima sa Toyota Innova mula sa Cagayan de Oro City nang pagbabarilin sila ng mga suspek gamit ang .45 caliber pistol.

Nakaligtas naman sa holdapan ang tatlong kasamahan ng mga biktima na sina James Ilusa, Jasper Fojeda, at Niña Pepito.

Gayunman, hindi nakita ng dalawang suspek ang bag na naglalaman ng P2.4 milyon na pangsahod sa SPES beneficiaries, dahil sa pagmamadaling makatakas. (Fer Taboy)

Kabataan Party-list, itutulak pagpapatalsik kay VP Sara

“Clear po ang gusto ng Kabataan, gusto siyang matanggal sa kaniyang posisyon.”Inihayag ni Kabataan Party-list first nominee Renee Co na itutulak at ieendorso nila ang pagpapatalsik kay Vice President Sara Duterte sa posisyon.Sinabi ito ni Co nang usisain ng media matapos ihain ang kanilang certificate of nomination and acceptance (CONA) para sa 2025 midterm elections nitong Sabado, Oktubre 5,...

Leni Robredo, natanong kung tatakbo ba ulit sa 2028 presidential elections

Natanong si dating Vice President at ngayo'y tumatakbong Naga City mayor Leni Robredo kung may balak na siyang kumandidato sa 2028 presidential elections, nang makapanayam ng media sa paghahain niya ng certificate of candidacy (COC) para sa napipisil na posisyon.Paglilinaw ni Robredo, wala raw siyang planong tumakbo sa pagkapangulo sa nabanggit na halalan.Bagama't hinihimok siyang...

'Half-human, half-zombie' 'Rastaman', kakandidato bilang senador; pabor sa e-sabong

Susubukan muli ni 'half-human, half-zombie' na si 'Rastaman,' o Rolando Plaza, na makapasok sa politika matapos niyang maghain ng certificate of candidacy (COC) sa pagka-senador ngayong Sabado, Oktubre 5, sa The Manila Hotel Tent City.Ito rin ang ikalawang pagkakataon na kumandidato siya bilang senador dahil noong 2019 ay naghain din siya ng COC sa parehong posisyon. Sakaling...