Walang rush sa UMID card application—SSS

June 30, 2016

Pinag-iingat ng Social Security System (SSS) ang publiko, lalo na sa mga miyembro nito na nag-a-apply ng Unified Multipurpose Identification System (UMID) card, sa talamak na text scam sa pagpoproseso ng UMID cards.

Sa inilabas na pahayag ng Media Affairs’ Department ng SSS, marami nang natatanggap na impormasyon ang ahensiya kaugnay ng mga text message na ipinadadala sa mga miyembro nito mula sa mga hindi kilalang numero na nag-aalok ng tulong upang mas mapabilis umano ang pagpoproseso ng kanilang UMID cards kapalit ng P100 o anumang halaga bilang kabayaran.

“Ang SSS ay walang rush application ng UMID cards at hindi rin tumatanggap ng bayad ang ahensiya sapagkat ang pagpoproseso ng aplikasyon ay first-in first-out basis,” ayon sa SSS.

Pinapayuhan din ng SSS ang sinumang makatatanggap ng nasabing text message na kaagad itong isumbong sa pinakamalapit na SSS branch o itawag sa SSS hotline 920-6446-55.

Kinumbinsi rin ng SSS ang mga ito na magsumite ng ulat sa kanilang service provider para matigil ang naturang text scam. (Rommel P. Tabbad)

Mga klase, pasok sa tanggapan ng gobyerno suspendido sa Oktubre 31

Suspendido na ang mga klase sa lahat ng antas gayundin ang mga pasok sa tanggapan ng gobyerno sa darating na Oktubre 31 ng 12:00 ng tanghali, para sa paggunita ng All Saints' Day at All Soul's Day, ayon mismo sa Malacañang.Sa ipinalabas na Memorandum Circular No. 67 na nilagdaan ni Executive Secretary Lucas Bersamin, wala nang pasok sa nabanggit na oras at petsa para magbigay-daan sa...

Baggage handling system sa NAIA 3, bumigay; nagdulot ng aberya sa mga pasahero

Daan-daang pasahero ang nakaranas ng aberya dahil sa bumigay na baggage handling system sa terminal 3 ng Ninoy Aquino International Airport (NAIA) nitong Martes, Oktubre 22.Sa huling Facebook post ng Cebu Pacific nitong Martes ng tanghali, Oktubre 22, inaksyunan na nila ang problema sa nasabing terminal kasama ang New NAIA Infrastructure Corp. (NNIC).“CEB has established a dedicated team to...

‘Kristine’ bahagyang lumakas habang nasa PH Sea ng Bicol Region

Bahagya pang lumakas ang Tropical Storm Kristine ang kumikilos ito sa Philippine Sea sa silangan ng Bicol Region, ayon sa Philippine Atmospheric, Geophysical and Astronomical Services Administration (PAGASA) dakong 5:00 ng hapon nitong Martes, Oktubre 22.Sa update ng PAGASA, huling namataan ang sentro ng Tropical Storm Kristine 390 kilometro ang layo sa silangan ng Daet, Camarines Norte.Taglay...