San Beda, nanalasa sa NCAA junior cage tilt-Balita

San Beda, nanalasa sa NCAA junior cage tilt

Mga laro ngayon

(San Juan Arena)

12 n.t. -- Arellano vs San Sebastian

2 n.h. -- St.Benilde vs Letran

4 n.h. -- JRU vs Perpetual Help

Naisalba ng defending champion San Beda College ang matikas na pakikihamok ng Lyceum of the Philippines para maitarak ang 97-88 panalo kahapon, sa pagpapatuloy ng aksiyon sa juniors division ng NCAA Season 92 basketball tournament sa San Juan Arena.

Kahanga-hanga ang fast break play ng Red Cubs, sa pangunguna nina Carlo Obenza, Ed Velasquez at Joshua Tagala para makawala sa dikitang laban at kunin ang 80-67 bentahe tungo sa pagtatapos ng third period.

Sa final period, hindi na nakaporma ang Junior Pirates, sapat para makuha ng Red Cubs ang ikalawang sunod na panalo at patatagin ang kampanya para sa ikawalong sunod na kampeonato sa pinakamatandang liga sa bansa.

Nanguna sa San Beda si Velasquez na may 17 puntos, kasunod si Evan Nelle na may 16 na puntos.

Kumubra naman ng 23 puntos si Mclaude Guadana para sa Lyceum.

Nauna rito, ginapi ng Mapua Malayan High School ang CSB- La Salle Greenhills,94-78, para makisosyo sa San Beda sa maagang liderato.

Nagposte ng 24 na puntos si Romel Junsay at 23 puntos naman si Jasper Salenga upang pangunahan ang panalo ng Red Robins.

Sa pagpapatuloy ng aksiyon sa seniors division ngayon, tatangkain ng pre-season favorite Arellano University at ng San Sebastian College na humanay sa liderato kung saan nakaluklok ngayon ang San Beda at Mapua sa pagtutuos sa pambungad na laro sa ganap na 12:00 ng tanghali.

Tinalo ng Chiefs, sa pamumuno nina Jiovani Jalalon, Kent Salado at Lervin Flores, ang University of Perpetual Help Alta’s ,83-78, habang ginapi ng Stags ang College of St.Benilde Blazers, 54-49 noong nakaraang Hunyo 26.

Sa ikalawang laro, ganap na 2:00 ng hapon, tatangkain naman ng defending champion Letran na makapagtala ng back- to- back win kasunod ng naitalang panalo kontra Emilio Aguinaldo College sa ikalawa nilang laro matapos mabigo sa San Beda Red Lions sa opening day.

Makakasagupa nila ang winless pa ring Blazers na nabigo sa unang dalawang laro kontra San Sebastian at Mapua.

(Marivic Awitan)

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...