Inaprubahan ng Kamara sa ikatlo at pinal na pagbasa ang House Bill 5616 na nagsusulong ng modernisasyon at regulasyon sa pagpapraktis ng pharmacy sa Pilipinas sa pamamagitan ng pagpapawalang-saysay sa Republic Act 5921 o ang Pharmacy Law.
Sa HB 5616 o “Philippine Pharmacy Act” na inakda nina Reps. Maximo Rodriguez Jr. (2nd District, Cagayan de Oro City) at Gloria Macapagal-Arroyo (2nd District, Pampanga), itinatakda na ang mga lisensiyadong pharmacists ang magiging frontliner o mismong magkakaloob ng gamot sa mga consumer, magkakaroon ng tamang pamantayan sa pharmacy education at polisiya sa pamamahala sa licensure at rehistrasyon ng mga parmasyutika sa bansa. (Bert de Guzman)