Bagamat aminado sa kanyang hilig sa pagkanta, sinabi ni Pangulong Aquino na hindi siya nababahala sa “videoke ban” na planong ipatupad ni President-elect Rodrigo Duterte sa buong bansa sa pagsapit ng 10:00 ng gabi hanggang madaling araw.
“I can’t remember kung kailan ako last time nag-videoke. Even ‘yung mga makina sa probinsiya na limang piso,” pahayag ni Aquino.
Inihayag din ng Pangulo na paminsan-minsan ay kumakanta rin siya kasama ang banda.
Kilalang mahilig sa eighties music, sinabi ni PNoy na kinakanta niya ang kanyang mga paboritong awitin tuwing siya ay nasa mood at napadpad sa music room.
13 senador, 'backer' na ni Tito Sotto sa pagiging Senate President—Lacson
Mag-isa man o may kasama, hilig ni Aquino ang umawit at wala siyang pakialam kung ano ang reaksiyon ng mga nakikinig.
“You know, honestly, if I sing by myself inside my music room to a particular song that I like, kailangan ko maglabas ng emotion,” giit niya.
Ito, aniya, ang patunay ng ilan na siya’y isang manhid. Aniya, nais lamang niyang kontrolin ang kanyang emosyon upang magawa niya ang dapat niyang gampanan bilang Pangulo ng bansa.
“I’m accused of being lacking in empathy because I try to keep my emotions in check,” dagdag niya.
(Madel Sabater-Namit)
