Ginapi ng Macway, sa pangunguna nina ex-PBA player Bonbon Custodio at Nino Marquez, ang dating NCAA champion Philippine Christian University, 89-83, upang masungkit ang titulo sa 2016 MBL Open basketball championship sa Rizal Coliseum.
Kumubra si Custodio, dating Barako Bull mainstay, sa naitalang game-high 23 puntos, habang tumipa si Marquez, naglaro sa Air21, sa naiskor na siyam na puntos, tampok ang limang free throw sa krusyal na sandali para maibigay sa Macway ang unang titulo sa liga.
"Sweet 16 ito para sa Macway. Masaya kami na naidagdag ang MBL trophy sa aming koleksyon," pahayag ni Macway team manager Erick Kirong.
Pinuri ni Kirong ang Macway coaching staff, sa pangunguna nina consultant Braulio Lim at head coach Manny Mendoza.
Olympian boxer Eumir Marcial, di nagpatalo kay Carlos Yulo, nag-crop top na rin!
Ang tanging talo ng Macway sa liga ay nalasap sa kamay ng Our Lady of Lourdes Technological College-Takeshi Motors sa elimination.
Nanguna si Yves Sazon sa PCU na naiskor na 22 puntos.
Iskor:
Macway (89) -- Custodio 23, Natividad 19, Marquez 9, Nehru 9, Dalanon 8, Reyes 5, Fampulme 4, Mangaran 4, Espinosa 3, Sanders 2, Dedicatoria 2, Santiago 1, Vitug 0.
PCU (83) -- Sazon 22, Tambeling 16, Ayonayon 15, Corpuz 13, Vasquez 7, Apreku 4, Palattao 4, Castro 2, Mescallado 0, Yasa 0.
Quarterscores:
23-26, 41-45, 67-66, 89-83.
