PARIS (AP) — Kidlat sa bilis ang panalo ni Serena Williams laban kay 81st ranked Teliana Pereira ng Brazil, 6-2, 6-1, sa Suzanne Lenglen court.
At pinantayan ito ng nakatatanda niyang kapatid na si Venus kontra American qualifier Louisa Chirico sa women’s singles ng French Open nitong Huwebes (Biyeres sa Manila), sa Roland Garros.
“We’re unfortunately really focused on our match. And I say ‘unfortunately,’ because in a few years, we’ll be like, ‘Wow, that’s a great moment,’” sambit ng 34-anyos na si Serena. But right now, we have to be focused on what we want to do in going out there and winning the match.”
Sunod na makakaharap ni Serena si No. 26 Kristina Mladenovic, habang mapapalaban si Venus sa unseeded na si Alize Cornet.
PBA fans, tinawag na ‘anak sa labas’ si Abueva dahil daw sa unfair na hatol ng PBA
Sa pagkakasibak nina No. 3 Angelique Kerber at No. 5 Victoria Azarenka, malaki ang tsansa para magkaharap ang magkapatid sa semi-final.
Sa men’s singles match, kapwa umusad sa susunod na round sina No.1 Novak Djokovic at Spanish star Rafael Nadal.
Naisalba ni Djokovic ang matikas na ratsada ni 161st ranked Steve Darcis ng Belgium, 7-5, 6-3, 6-4, habang ginapi ng No.4 seed na si Nadal si 99th ranked Facundo Bagnis ng Argentina, 6-3, 6-0, 6-3.
