Masasabing isang sorpresa ang mariing pagtutol ng isang grupo ng mga population advocate sa panukalang three-child policy ni incoming President Rodrigo Duterte.
“‘Wag naman ‘yun (three-child policy). Mahirap na babalik tayo doon sa dating gawi na nagdidikta ng numero sa pamilya kung ilan ang kanilang magiging anak. It’s a question of informed choice. Karapatan ng couples ‘yung agwat at bilang ng mga anak,” sabi ni Philippine Legislators Committee on Population and Development (PLCPD) Executive Director Romeo Dongeto.
Bagamat positibong tinanggap ng grupo ang paraan ng pagkontrol sa populasyon, isang pagdidikta para sa kanila ang three-child policy.
“We are taking this on a positive light on the policy pronouncement of president-elect Duterte on the issue of reproductive health. But while we are positive on this pronouncement, we also feel that the three child policy is an imposition…. The government should not impose,” ani Dongeto.
Bagong halal na mayor ng Rizal, Cagayan 21-anyos pa lang; vice mayor, nanay niya
“The RH law is inspired from the many international human rights policies, which urged governments to shift from target na isa, dalawa, tatlong bata to the imposition of many services for families and individuals to choose. So informed choice ‘yung principle behind current discussions and mandate ng RH law. It provides for informed choice.
Nagpo-provide siya lahat ng legal, medical services para ‘pag nakapili na, mayroong commodities available. Hindi kami nag-a-agree sa kanyang three-child policy. ‘Yung pronouncement na ‘yun,” paliwanag ni Dongeto.
Sa kabila nito, pabor ang grupo sa istriktong pagpapatupad ng RH Law, at sinabing may track record na rito ang outgoing Davao City mayor. (Charina Clarisse L. Echaluce)
