EAC at New San Jose, umarya sa MBL semis-Balita

EAC at New San Jose, umarya sa MBL semis

Laro ngayon

(Rizal Coliseum)

5 n.h. -- Macway vs EAC

6:30 n.g. -- PCU vs.SJB

Pinabagsak ng Emilio Aguinaldo College ang Jamfy-Secret Spices, 99-79, habang pinaluhod ng New San Jose Builders ang Our Lady of Lourdes Technological College-Takeshi Motors, 99-71, upang masungkit ang huling dalawang semis berths sa 2016 MBL Open basketball championship sa Rizal Coliseum.

Bahagya lamang pinagpawisan ang Generals at Builders bago tuluyang winalis ang kanilang mga karibal sa eight-team tournament na itinataguyod ng Smart Sports, Ironcon Builders, Bread Story, Dickies Underwear, PRC at Gerry's Grill.

Makakaharap ng EAC ang top seed Macway Travel Club, habang mapapalaban ang San Jose sa Philippine Christian University sa hiwalay na semi-final duel.

Nanguna si Igee King, anak ni PBA legend Abe King, sa Generals sa 18 puntos, habang nag-ambag ang 6-10 African recruit na si Hamadou Laminou na may 11 puntos.

Nakatulong din ng husto sina Sidney Omwubre at Francis Munsayac, na kapwa may 10 puntos para sa Generals, na naghahanda para sa nalalapit na NCAA season.

Ang dating Lyceum standout na si Laurence Garcia at PBL veteran Edwin Asoro ang nanguna sa Jamfy.

Nabigong makalaro sina ace gunner Mel Mabigat at Fil-Am Anthony Cuevas.

Samantala, sumandal ang NSJBI sa magilas na laro nina Mark Maloles, John Ambuludto, Nikko Lao at Mark Anthony Puspos.

Si Maloles ay humugot ng 22 puntos para sa NSJBI nina manager Jomar Acuzar, consultant Jinino Manansala at coach Rainier Carpio.

Iskor:

(Unang laro)

EAC (99) - King 18, Laminou 11, Munsayac 10, Onwumbre 10, Aguas 9, Morada 8, Guzman 8, Neri 7, Umali 5, Paredes 4, Gonzales 4, Corilla 3, General 2, Diego 0, Pascua 0.

Jamfy-Secret Spices (79) -- Garcia 21, Asoro 19, Banzali 10, Murillo 7, Racelis 6, Villarta 5, Octavio 5, Baul 4, Patrocinio 2, Gamboa 0.

Quarterscores

20-11, 51-36, 72-61, 99-79.

(Ikalawang laro)

New San Jose Builders (99) -- Maloles 22, Ambulodto 16, Puspus 15, Lao 15, Aurelio 13, Sumay 10, Palogan 4, Grimaldo 2, Telles 2.

Lourdes-Takeshi (71) -- Marilao 19, Balucanag 17, Garcia 12, Brutas 8, Villanueva 6, Sequilasao 5, Gawingan 2, Villar 2.

Quarterscores

24-18, 52-32, 74-55, 99-71.

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...