Napiling “Boxer of the Month” para sa buwan ng Mayo si Mexican Saul “Canelo” Alvarez dahil sa kanyang 6th round knockout na pagwawagi kay Amir Khan ng Great Britain nitong Mayo 7, para maidepensa ang WBC middleweight title sa Las Vegas, Nevada.
Samantala, siyam na Pilipino ang nakalista sa pinakahuling WBC rankings na inilabas ng asosasyon kung saan ang pinakamabigat ay si Eden Sonsona na No. 9 contender kay WBC super featherweight champion Francisco Vargas ng Mexico.
Nakatala namang No. 13 challenger si Alberto Pagara kay WBC super bantamweight champion Hugo Ruiz ng Mexico.
Naghahandang kumasa si Pagara kay one-time world title challenger Cesar Juarez na isa ring Mexican para sa pag-asang lumaban sa kampeonatong pandaigdig sa pagtatapos ng taon.
Olympian boxer Eumir Marcial, di nagpatalo kay Carlos Yulo, nag-crop top na rin!
Nakalista naman si Marlon Tapales na No. 9 kay WBC bantamweight titlist Shinsuke Yamanaka ng Japan samantalalang maaaring humamon kay WBC flyweight champion Roman Gonzalez ng Nicaragua ang tinalo niyang si No. 8 contender Brian Viloria at No. 12 Froilan Saludar.
Banta naman kay WBC light flyweight champion Ganigan Lopez ng Mexico sina No. 1 at OPBF champion Jonathan Taconing;
No. 3 at IBO light flyweight champion Rey Loreto; at No. 8 Denver Cuello, No. 10 Randy Petalcorin at No.11 Milan Melindo.
Sa minimumweight division, tanging si No. 10 contender Jaysever Abcede ang maaaring humamon sa sa kampeong si Wanheng Menayothin ng Thailand. (Gilbert Espena)
