Public transport system, maaayos ni Duterte - LTFRB official

May 14, 2016

Kumpiyansa ang isang opisyal ng Land Transportation Franchising and Regulatory Board (LTFRB) na maisasaayos ni presumptive president Rodrigo Duterte ang sektor ng pampublikong sasakyan sa Metro Manila, tulad ng ginawa nito sa Davao City.

Sinabi ni LTFRB Board Member Atty. Ariel Inton na ang Davao City ay kilalang ligtas at malinis na siyudad, at ang mga driver ng mga public utility vehicle (PUV) ay sumusunod sa regulasyon sa trapiko at hindi sinasamantala ang mga pasahero.

“The expectation we have here in Metro Manila is the same. If they are able to clean up public transport here, then everything else will follow,” aniya.

Umaasa si Inton na ang estilo ng pamamahala ni Duterte na “kamay na bakal” ay magiging epektibo laban sa mga abusado at pasaway na driver ng mga pampublikong sasakyan sa Metro Manila.

Kabilang dito ang mga kaskasero, nangmomolestiya ng pasahero, sobrang maningil ng pasahe, at iba pa.

Nitong mga nakaraang araw, nagsimula nang makipagpulong ang kampo ni Duterte sa pangasiwaan ng Metro Rail Transit (MRT) upang maisaayos ang naturang mass transport system na halos araw-araw na pineperhuwisyo ng aberya. - Czarina Nicole O. Ong

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...