Napasama ang Pilipinas sa Pool D sa gaganaping 2016 FIBA 3x3 U18 World Championships, sa Hunyo 1-5 sa Kazakhstan.

Magkakasama sa Pool A ang defending champion at No.1 rank Netherlands, Uruguay (No. 8), Slovenia (No.9), Belgium (No.16), at Egypt (No.17).

Magkakagrupo naman sa Pool B ang Turkey (No.2), China (No.7), Andorra (No.10), Argentina (No.15), at Georgia (No.18).

Binubuo naman ang Pool C ng Romania (No.3), Indonesia (No.6), Italy (No.11), Qatar (No.14) at Kazakhstan (No.19).

Makakasama ng Pinoy sa Pool D ang Hungary (No.4), Brazil (No.5), New Zealand (No.12), at Spain (No.20).

5-anyos na batang ginilitan at winakwak ang tiyan, pumanaw na!

Huling sumabak sa torneo noong 2015 ang grupo nina Richard Escoto, Michael Nieto, Ricci Paolo Rivero, at Kobe Lorenzo Paras.

Matatandaan na muling nagawa ni Paras, nakatakdang maglaro UCLA sa NCAA Division 1, ang pagiging slamdunk king sa World U18 Championships noong 2015 matapos na magwagi sa Asian U18 noong 2013. (Angie Oredo)