Pagkakaiba sa mga vote tally ni Zubiri, pinaiimbestigahan

May 11, 2016

Pinaiimbestigahan na ng Commission on Elections (Comelec) ang malaking pagkakaiba ng mga botong nakuha ni dating Senador Juan Miguel Zubiri sa transparency server ng Parish Pastoral Council for Responsible Voting (PPCRV) at certificate of canvass (CoC) ng Comelec, na tumatayo bilang National Board of Canvassers (NBOC).

Nauna rito, kinuwestiyon ng mga abogado ng senatorial candidate kung bakit magkaiba ang bilang ng mga boto ni Zubiri sa transparency server ng PPCRV, na accredited citizen’s arm ng Comelec at nagsasagawa ng quick count sa eleksiyon, sa isinasagawang official canvassing ng Comelec.

Ipinunto ng mga ito na sa server ng PPCRV, lumitaw na nakakuha ang dating senador ng botong 186,725 sa Davao del Norte, ngunit pagdating sa canvassing ng Comelec ay 184,262 na lamang.

Ganito rin anila ang nangyari sa boto sa Misamis Oriental kung saan ang nakuhang boto ni Zubiri sa tala ng PPCRV ay 385,410, habang sa Comelec naman ay 222,559 lang.

Kaagad namang ipinag-utos ni Comelec Chairman Andres Bautista na maimbestigahan ng Comelec secretariat ang reklamo ng kampo ni Zubiri na sa kasalukuyan ay pasok sa Magic 12 ng senatorial race. (Mary Ann Santiago)

Dalawang elepante sa Thailand, patay dahil sa pagbaha; 120 pang elepante, inilikas na rin

Tinatayang nasa 120 elepante na ang direktang apektado ng matinding pagbaha sa Chiang Mai, Thailand, ayon sa ulat ng local media nitong Linggo, Oktubre 6, 2024.Kinumpirma ni Saengduean Chailert, director ng Elephant Nature Park, na dalawang elepante ang nasawi bunsod ng matinding pagbaha sa nasabing lugar.“My worst nightmare came true when I saw my elephants floating in the water,” saad ni...

19 female PDL sa QC, nakatapos ng pag-aaral sa kolehiyo

Pinatunayan ng labing-siyam na female Persons Deprived of Liberty (PDL) sa Quezon City Jail Female Dormitory na hindi hadlang ang kalagayan sa piitan para maabot ang pangarap, at makatapos ng pag-aaral sa kolehiyo.Sa ilalim ng “No Woman Left Behind” program ng Quezon City, ang mga nasabing babae ay nakapagtapos ng Bachelor of Science in Entrepreneurship sa Quezon City University.Ayon sa ulat...

Nora Aunor, second nominee ng People's Champ party-list: 'Gusto ko makatulong!'

Tatakbo para sa Kongreso si Superstar Nora Aunor bilang second nominee ng People’s Champ Party-list upang mas makatulong umano sa mahihirap sa bansa.Inihain ng People’s Champ Party-list ang kanilang Certificate of Nomination-Certificate of Acceptance of Nomination (CON-CAN) ngayong Lunes, Oktubre 7, sa The Manila Hotel Tent City.Naging emosyunal naman si Ate Guy nang magbigay ng kaniyang...