PANGAKONG 'DI NATUPAD?-Balita

TIGIB ng hinanakit kay Presidente Aquino ang pahayag ng pamilya ng nawawalang farmer-activist na si Jonas Burgos na sinasabing dinukot ng militar sa isang mall sa Quezon City noong Abril 28, 2007. Si Jonas ay anak ng yumaong peryodista at freedom fighter na si Joe Burgos, at ni Edita Burgos.

Ang naturang pagdaramdam ng Burgos family ay nakaangkla sa umano’y pangako ng Pangulo na malulutas at malalapatan ng katarungan ang pagdukot kay Jonas bago matapos ang kanyang panunungkulan. Makabagbag-damdamin ang pahayag ni JL Burgos, kapatid ni Jonas: “Six years ago, President Aquino gave his words to the Burgos family. He promised that Jonas will be surfaced and that justice will be served. The terms of the President is almost over and yet Jonas remains a desaparecido nine years after he was abducted.”

Dahil dito, may matuwid ang Burgos family upang ibaling ang kanilang pag-asa sa susunod na mahahalal na presidente ng bansa. Umaasa sila na ang bagong liderato ay hindi magiging bahagi ng pagtatakip ng pagdukot ng militar kay Jonas.

Magugunita na ang license plate ng sasakyan na ginamit sa pagdukot kay Jonas ay natunton sa kampo ng 56th Infantry Batallion ng Army, sa Bulacan. Ito ang dahilan kung bakit kinatigan ng Supreme Court (SC) ang paninindigan ng Court of Appeals (CA) na ang Army ang may pananagutan sa pagkawala ni Jonas. Subalit sa kabila ng utos na siya ay hanapin, siya ay nananatiling isang desaparecido. Hindi ba pinakinggan ng Pangulo ang karaingan ng Burgos family na atasan ang militar na tumalima sa utos ng SC?

Hindi naman nag-iisa ang Burgos family, kung sabagay, sa paghahanap ng mailap na katarungan. Marami tayong kapatid sa media na biktima ng karumal-dumal na pagpaslang subalit hanggang ngayon ay hindi pa nagtatamo ng hustisya.

Nakaukit na sa malagim na kasaysayan ng pamamahayag sa bansa ang pagdukot at pagsunog kina Bubby Dacer at sa kanyang tsuper, maraming taon na ang nakalilipas. Bukod pa rito ang ating mga kapanalig sa print at broadcast outfit na hanggang ngayon ay nagbibiling-baligtad sa kani-kanilang mga libingan dahil nga sa kawalan ng katarungan. Sino ang makalilimot sa nakakikilabot na Maguindanao massacre na ikinamatay ng ating 36 na mamamahayag?

Sila, at marami pang iba, ay pawang mga biktima ng mga pangakong hustisya na nananatiling nakapako. (Celo Lagmay)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...