Humakot ng kabuuang 21 ginto, 11 pilak at anim na tansong medalya ang Team Philippines sa pagtatapos ng 19th Asian Masters Athletics Championships, sa National Stadium sa Kallang, Singapore.
Pinamunuan ni Erlinda Lavadia ang delegasyon sa pagsungkit ng tatlong gintong medalya sa women’s 60-64 shot put, javelin throw at discus throw dagdag pa ang isang pilak sa hammer throw.
Naiuwi naman ni Christabel Martes ang tatlong ginto sa women’s 35-39, habang nag-ambag ng tigdalawang ginto sina Lerma Bulauitan-Gabito (women’s 40-44), Eduardo Buenavista (men’s 35-39), Joebert Delicano (men’s 35-39) at Rene Herrera (men’s 35-39).
Olympian boxer Eumir Marcial, di nagpatalo kay Carlos Yulo, nag-crop top na rin!
Nagdagdag din sina Danilo Fresnido (men’s 40-44), Arniel Ferrera (men’s 35-39), Marestella Torres-Sunang (women’s 35-39), Antonio Chee Jr. (men’s 40-44), Emerson Obiena (men’s 50-54), at ang dalawang relay team sa torneong may basbas ng International Athletics Associations Federation (IAAF).
Ang 4-time SEA Games record holder at long jump champion na si Torres ay kabilang na sa delegasyon ng Pilipinas na lalahok sa 2016 Rio Olympics sa Agosto 5-21 batay sa ‘universality rule’. Makakasama niya si Fil-American Eric Shauwn Cray na nag-qualify sa 400-m hurdles sa isang event sa US. (Angie Oredo)
