SOUTH CAROLINA – Umukit ng kasaysayan si Pinoy golfer Lloyd Jefferson Go sa iskor na 75 para sa tatlong stroke na panalo sa Big East Championship nitong Martes (Miyerkules sa Manila), sa Callawassie Island Golf Club dito.

Nauna rito, naitala ng dating Philippine Amateur Open champion mula sa Cebu Country Club , ang course record 65 sa inulan na second round bago tumipa ng three-over sa final 18 hole.

Nakubra ni Go, umiskor ng 70 sa opening round, ang kabuuang six-under 210 total, para tanghaling ikatlong Seton Hall golfer na nagwagi ng individual conference title matapos magtgumpay sina Mike Costigan (1996) at Eugene Smith (2000).

Pumangalawa si Sam Madsen ng Geogetown sa naiskor na final round 73, ngunit nasandigan niya ang eskwelahan para sa team title tangan ang iskor na even-par 864, 27 stroke ang bentahe sa Xavier. Nakisosyo ang Seton sa ikaanim na puwesto na may iskor na 901.

ALAMIN: Paano maliligayahan ang isang owner kasama ang kaniyang pet?

“The second round was amazing, I played great golf. I hit a lot of good shots and I also made a decent number of putts. I actually didn’t know until I made my last putt that I broke the course record for the course,” pahayag ni Go sa panayam ng Spin.ph.

Ang iskor ni Go na seven-under-par sa second day ang pinakamababang single-round score ng Seton Hall sa kasaysayan ng torneo.

“I’m pretty stoked that I was able to have the year I have this year. It’s been a really good year! I was finally able to finish it with a win! I was pretty calm the whole time. I just tried to think about one shot at a time. I didn’t think about it too much,” aniya.

Bunsod ng panalo, awtomatikong makakasabak sa kauna-unahang pagkakataon ang US-based Pinoy sa NCAA Regionals na gaganapin sa Mayo 16-18.

“I’m pretty excited for that. I don’t know which site I’ll be heading to but I’ll know by Thursday morning. It will be nice to see how I will compete against the best collegiate players in the NCAA. It for sure will be a great experience,” sambit ni Go.