Sa bisa ng memorandum na inilabas ni Bureau of Customs commissioner Alberto Lina, pinakilos ang mga puwerto na suriin ang lahat ng overstaying cargo para sa kaukulang pagsusubasta sa layong mapalakas ang kita at mabawasan ang pagsisikip sa mga pantalan, alinsunod sa Tariff and Customs Code of the Philippines (TCCP).
“We have overstaying cargoes that have been idly sitting on the ports. In the Port of Manila alone there are cargoes that can translate to P300 million in revenues. Importers and brokers need to stop using our ports as warehouses,” pahayag ni Lina.
Ang overstaying cargo ay ang mga inabandona o nakumpiskang kargamento na binabaan ng alert order at binigyan ng Warrant of Seizure at Detention (WSD) dahil sa paglabag sa TCCP, tulad ng misdeclaration o undervaluation. (Mina Navarro)
