MADRID (AP) — Mas mahaba pa ang oras ng biyahe sa itinagal sa court nina top-seeded Agnieszka Radwanska at Australian Open champion Angelique Kerber.
Parehong nasibak sa opening round ng Madrid Masters ang dalawang pamosong Grand Slam winner nitong Linggo (Lunes sa Manila).
Naupos si Radwanska, itinaas sa No. 1 seeding matapos umatras si Serena Williams, laban kay Dominika Cibulkova ng Slovakia, 4-6, 7-6 (3), 3-6.
Naitala ni Radwanska ang limang ace, ngunit nagtamo naman siya ng anim na double-fault at nabasag ni Cibulkova sa serve sa 11 pagkakataon.
Anong luto ni Chloe ang masarap para kay Caloy lalo na 'pag umuulan?
Naungusan naman ni Barbora Strycova ng Czech Republic ang No. 2 seeded na si Kerber 6-4, 6-2.
Galing si Cibulkova sa matagumpay na kampanya sa Katowice Open nitong Abril. Sunod niyang makakaharap si Caroline Garcia, nagwagi via retired kay Johanna Konta, 6-4, 2-1.
Mapapalaban naman ang 33rd-ranked na si Strycova kontra Madison Keys, namayani kontra kay American Alison Riske 1-6, 6-3, 6-4.
Nagwagi naman si third-seeded Garbine Muguruza kay Anna Karolina Schmiedlova 6-2, 7-5.
Umusad naman sa susunod na round si defending champion Petra Kvitova matapos pabagsakin si Lara Arruabarrena 6-3, 6-2, habang nagwagi ang No. 4 seeded na si Victoria Azarenka kontra Laura Robson 6-4, 6-2.
