Pagpapakamatay ang naging solusyon ng isang helper para wakasan ang problema nito sa pera, makaraang magbigti sa loob ng inuupahang bahay sa Caloocan City, nitong Lunes ng gabi.
Base sa report, gumamit ng kumot si Jolly Pabua, 33, tubong Iloilo, na itinali nito sa rehas na bakal ng bintana sa 2nd Floor, Room 1, Unit 151, Block 3, Somera Village, Rivera Street, Barangay 163, Sta. Queteria, ng nasabing lungsod at ipinulupot sa leeg.
Sa pahayag ng mga kapitbahay ni Pabua na sina Mary Jane Gatilo, 27; at Samuela Masoong, 18, bandang 9:30 ng gabi nang ipinasya nilang silipin sa bintana ng bahay ang biktima dahil hindi ito lumalabas.
Ganun na lang ang pagkabigla ng dalawa nang makita nilang nakabigti si Pabua.
Atty. Ian Sia, maaaring patawan ng election offense o disqualification
“Lagi siyang lumalabas ng bahay kapag gabi. Tapos tahimik ang bahay kaya sinilip namin,” anang dalawang babae.
Kaagad na tumawag ng mga barangay tanod ang mga ito at pinagtulungang ibaba sa pagkakabigti si Pabua, pero wala na itong buhay.
Gipit daw si Pabua sa pera kaya ito marahil ang dahilan ng kanyang pagpapatiwakal. (Orly L. Barcala)
