Kinasuhan kahapon ng Bureau of Internal Revenue (BIR) ng tax evasion ang kontrobersiyal na remittance company na PhilRem Service Corporation, na idinadawit sa $81-million money laundering scam.
Aabot sa P35.6-milyon buwis ang hinahabol ngayon ng BIR sa kumpanya na hindi nito nabayaran sa loob ng sampung taon.
Ayon sa BIR, iniharap nila ang kaso sa Department of Justice (DoJ) laban sa nasabing kumpanya, na nakabase sa Makati City, at sa dalawang opisyal nito, ang mag-asawang sina Salud Bautista at Michael Bautista, presidente at treasurer, ayon sa pagkakasunod, dahil sa hindi pagbabayad ng gross receipts tax (GRT) at pagkabigo na maghain ng percentage tax returns (PTRs).
“In its registration with the BIR, Philrem’s line of business is ‘other land transport operation not elsewhere classified.’ Philrem thereafter amended its primary purpose with the Securities and Exchange Commission which is to engage in the business of remittance of money/currency from abroad to be delivered to the different parts of the Philippines. Despite the change in its primary purpose, it did not update its registration with the BIR,” paliwanag ng BIR.
Sen. Robin, uminit ulo kay Sen. Joel : 'Oh ano?'
Natuklasan na nakarehistro ang PhilRem sa Bangko Sentral ng Pilipinas (BSP) bilang remittance agent mula 2005 hanggang sa kasalukuyan. Bilang isang money remittance corporation at non-banking financial institution (NBFI), dapat pa rin itong buwisan sa gross receipts. (Rommel P. Tabbad)
