Sports Science Seminar, tapik sa balikat ng atleta-Balita

Sports Science Seminar, tapik sa balikat ng atleta

Hiniling ng mga atleta, trainor at coach mula sa iba’t ibang national sports association (NSA) sa Philippine Sports Commission (PSC) ang pagpapalawig ng Sports Science Seminar na kasalukuyang isinasagawa ang Series 8 at 9 sa Philsports Arena sa Pasig City.

Iginiit ni dating women’s national volleyball team member at PSL coach na si Rosemarie Molit - Prochina, na maraming bagong kaalaman ang naibahagi sa kanila kung kaya’t mas mapapalawak ang kanilang kasanayan kung magpapatuloy ang ganitong mga programa.

“It is a wonderful and very informative seminar, “ sambit ni Prochina. “Nakakahinayang at hindi ito itinuturo sa atin noong kami pa ay naglalaro sa national team. Marami talaga akong nakuhang bagong technique at nalaman din na hindi dapat isinasagawa sa training lalo na sa amin sa larong volleyball,” aniya.

Ang PSC Sports Science Seminar Series 8 at 9 ay tinampukan ng mga international sports speaker na si Dr. Scott Lyn na nagtuturo bilang Biomechanics at Strength and Conditioning expert, kasama si Dr. Wilbur Wu na isang Sports Science and Motor Learning expert.

Kasama rin sa seminar si David Darbyshire na isang performance consultant ng world class athletes at itinuturing na “Body Whisperer”, gayundin si Terence Rowles na isang Sports Coaching consultant.

Itinuro naman sa seminar ang Junior Development in Sports (physical, mental and skill consideration); Exercises that can hurt you; Training for Sports; Breakdown of common sports in terms of anatomy, biomechanics and pattern; How to be a great motor learning coach; Movement in Sports and Basic First Aid (CPR).

Isa lamang si Prochina, miyembro ng pinakahuling pambansang koponan sa volleyball na nagwagi ng gintong medalya sa Southeast Asian Games, sa mga baguhang coach na dumalo sa seminar na dinaluhan ng mahigit 150 local government unit representative at lampas sa 500 coach, trainer at sports administrator. (Angie Oredo)

Amihan, easterlies, nakaaapekto sa bansa – PAGASA

Inihayag ng Philippine Atmospheric, Geophysical and Astronomical Services Administration (PAGASA) ngayong Sabado, Nobyembre 23, na ang northeast monsoon o amihan at easterlies ang kasalukuyang nakaaapekto sa bansa.Sa tala ng PAGASA kaninang 4:00 ng madaling araw, inaasahang makararanas ng maulap na kalangitan na may mga kalat-kalat na pag-ulan at thunderstorms ang Eastern Visayas, Caraga, Davao...

50.78% examinees, pasado sa Nov. 2024 Licensure Exam for Agriculturists

Inanunsyo ng Professional Regulation Commission (PRC) nitong Biyernes, Nobyembre 22, na 50.78% ang pumasa sa November 2024 Licensure Exam for Agriculturists.Base sa tala ng PRC, 3,628 sa 7,144 sa examinees ang pumasa sa pagsusulit.Kinilala bilang topnotcher si lan Gabriel Ramos Mangulabnan mula sa University of the Philippines - Los Baños matapos siyang makakuha ng 89.67% score.Samantala,...

VP Sara sinabing si Romualdez ang gustong pumatay sa kaniya

'Isa lang naman may gustong pumatay sakin, si Martin Romualdez.'Ito ang tahasang sinabi ni Vice President Sara Duterte sa isinagawang online press conference nitong Biyernes, Nobyembre 22. Sa naturang online press conference, ibinahagi ni Duterte na pinaaalis daw siya ng House Sergeant-At-Arms sa compound ng House of Representative dahil nababahala ito sa kaniyang seguridad sa...