Muling isasagawa ng Philippine Sports Commission (PSC) ang Personal Enhancement Program (PEP) for Sports ngayon sa Philsports Complex sa Pasig City.

May kabuuang 100 elite athlete at national coach ang makikibahagi sa PEP for Sports module na nakatuon sa personality development ngayon at bukas.

Nakapaloob sa personality development module ang pagbibigay ng kasanayan sa mga kalahok para mapataas ang kanilang confidence, assertiveness, at public carriage.

John Amores, hindi banned sa liga; hatol ng PBA, pansamantalang suspensyon

Pangangasiwaan ni George Mercado, kilalang training and development coach sa industriya, ang module lecture, habang magbibigay ng kanyang kaalaman ang language expert na si Lourdgina Cordero-Lalim.

Hinikayat ni PSC Commissioner at PEP for Sports director Wigberto “Iggy” Clavecilla, Jr. ang mga kalahok na dumalo at makiisa sa naturang programa.

“It is always good to improve on what we think we already know,” sambit ni Clavecilla, Jr.

Para masiguro na mas magiging epktibo ang pag-aaral, nilimitahan sa 50 kalahok ang bawat workshop at lecture.

“But if this week’s participants will provide great feedback and there will be a clamor for it to be re-conducted so that other athletes and coaches can attend, we will work for that to happen,”aniya.

Itinataguyod ang PEP ng PSC Board, sa pangunguna ni Chairman Richie Garcia.