Nagsilikas ang may 2,000 katao mula sa dalawang barangay dahil sa takot na maipit sa tuluy-tuloy na labanan sa pagitan ng militar at ng Abu Sayyaf Group (ASG).
Inihayag ng Municipal Social Welfare and Development Office (MSWDO) ng Tipo-Tipo na dalawang barangay sa nasabing bayan ang apektado sa inilunsad na military operation laban sa Abu Sayyaf.
Batay sa tala ng MSWDO, nagsilikas ang nasa 295 pamilya, o katumbas ng 1,435 katao, mula sa Barangay Baguindan, habang 220 pamilya naman, o 1,057 katao, ang lumikas mula sa Bgy. Silangkum.
Nakatuloy ngayon ang mga residente sa evacuation center sa Tipo-Tipo.
Naglunsad ng military operation ang mga sundalo laban sa grupo ng Abu Sayyaf leaders na si Isnilon Hapilon at Furuji Indama nitong Abril 9.
CDO mayor, ipinag-utos pagbawas ng pagkonsumo sa kuryente, petrolyo bunsod ng tensyon sa Middle East
Matatandaang 18 sundalo ang nasawi at 56 na iba pa ang nasugatan sa nasabing bakbakan. (FER TABOY)
