Ang 9th Leg One-Day 6-Cock Derby ng UFCC ay papagitna sa Pasay Cockpit ngayon tampok ang 30 kalahok na muling maglalaban para sa karangalan.
Ang Golden Boy 178 ng Cas/Jeff at Alwyn Sy ang nanalasa noong nakaraang Lunes sa 8th Leg ng torneo matapos umiskor ng anim na panalo sa anim na laban upang ibulsa ang solong kampeonato at umangat sa ikaapat na puwesto para sa labanan sa titulo ng 2016 UFCC Cocker of the Year.
Matapos umiskor ng 4.5 puntos, nakuha ang unang puwesto ni Joey delos Santos (San Roque) na may 32.5 puntos, samantalang ang palagiang lider na si 2016 World Slasher Cup-1 champion Engr. Sonny Lagon (Blue Blade Farm) ay dumausdos sa ikalawang puwesto sa 32 puntos.
Nasa ikatlong pwesto naman sa iskor na 28.5 sina Fiscal Villanueva & Eddieboy Villanueva (Fiscalizer Eboy), samantalang si Gov. Eddiebong Plaza (EP RJM Roosterville) ay humati sa ikaapat na puwesto kay Alwyn Sy.
Anong luto ni Chloe ang masarap para kay Caloy lalo na 'pag umuulan?
Handog ng Ultimate Fighting Cock Championships, ang 2016 UFCC Cock Circuit ay itinataguyod ng Thunderbird Bexan XP & Thunderbird Platinum, Sagupaan, Solaire Resorts & Casino at Resorts World - Manila.
Ginanap kahapon ang weigh in at computerized matching.
