Koko sa Comelec: BEI uniform, huwag nang ituloy

April 01, 2016

Umapela si Sen. Aquilino “Koko” Pimentel III sa Commission on Elections (Comelec) na huwag nang ituloy ang pagbili ng mga unimporme na gagamiting ng mga guro na magsisilbing Board of Election Inspector (BEI) sa eleksiyon sa Mayo 9.

Sinabi ni Pimentel na pag-aaksaya lamang ito ng pondo dahil isang araw lang naman ito gagamitin.

Mistulang apron, ang kabuuang halaga ng bib vest ng mga BEI ay aabutin ng P20 milyon, ayon sa Comelec.

Subalit iginiit ni Pimentel, chairman ng Senate Committee on Electoral Reforms, na hindi na ito kakailanganin dahil mismong ang mga guro ay hindi naman humiling na mabigyan ng uniporme para sa halalan.

Sinabi rin ng senador na hindi magiging kumportable dahil mainit na ang panahon sa Mayo 9, ang uniporme ay bahagi ng bagong kontrata ng Comelec na isasalang na sa bidding.

Sa halip na gastusin sa uniporme, iginiit ni Pimentel na gamitin na lang ng Comelec ang P20 milyon bilang dagdag-sahod sa mga guro na magsisilbing BEI. (Hannah L. Torregoza)

72 PDL's ng Manila City Jail, naka-enrol sa PUP Open University

Sa makasaysayang pagkakatapon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...

VP Sara sa running mate na Marcos kung sakaling tatakbo: 'Never again!'

Tahasan at diretsahang sinabi ni Vice President Sara Duterte na hindi na siya papayag na magkaroon ng running mate na 'Marcos' kung sakaling magdesisyon siyang kumandidato sa pagkapangulo sa 2028.Iyan ang nasabi ng pangalawang pangulo sa ambush interview ng media sa kaniya, matapos ang pagdalo sa congress hearing nitong araw ng Miyerkules, Setyembre 18.Isang media reporter kasi ang...

Speaker Romualdez, tatakbong presidente sa 2028 sey ni VP Sara

ROMUALDEZ FOR PRESIDENT?Sinabi ni Vice President Sara Duterte na tatakbo umano bilang pangulo ng bansa sa 2028 si House Speaker Martin Romualdez. Sa isang ambush interview nitong Miyerkules, Setyembre 18, ayon kay Duterte, sinabi sa kaniya ng mga kaalyado niya sa House of Representatives na pinag-uusapan umano ang tungkol sa impeachment niya at pagkandidato ni Romualdez sa 2028.“Ang sinasabi sa...