Nagpaalala kahapon ang Philippine National Police-Anti-Illegal Drugs Group (PNP-AIDG) sa mga bakasyunista ngayong Semana Santa na mag-ingat sa mga indibidwal na nagtutulak ng droga.
Sinabi ni Chief Inspector Roque Merdeguia, tagapagsalita ng PNP-AIDG, tiyak na sasamantalahin ng mga drug pusher ang mga lugar na maraming turista.
Pinayuhan ni Merdeguia ang publiko na huwag basta-bastang tumanggap ng mga padala o bagahe mula sa mga hindi kakilala sa paliparan, daungan at mga terminal ng bus dahil ito ang istilo ng mga drug trafficker. Iwasan ding makipag-usap sa mga hindi kakilala, lalo na sa mga kasiyahan, dahil modus ng sindikato na haluan ng ipinagbabawal na gamot, gaya ng ecstasy, ang mga inumin. (Fer Taboy)
Tsika at Intriga
