Mga natamo ng EDCA, ihahayag sa pagpupulong sa Washington-Balita

Mga natamo ng EDCA, ihahayag sa pagpupulong sa Washington

Nakatakdang ipahayag ng Pilipinas at United States ang mahahalagang natamo ng Enhanced Defense Cooperation Agreement (EDCA) sa pagpupulong ng mga lider mula sa magkabilang bansa sa Washington, D.C. sa Marso 18 (Linggo sa Manila), para sa 6th U.S.-PH Bilateral Strategic Dialogue (BSD).

Ihahayag ng dalawang bansa ang mga latest development sa EDCA at kung paano nito susuportahan ang mga pagsisikap ng Amerika na makatulong sa pagsasamoderno ng Armed Forces of the Philippines (AFP), magdebelop ng kapasidad at kakayahan para sa maritime security at domain awareness, at magbigay ng rapid humanitarian assistance at disaster response.

Ang Philippine delegation ay pangungunahan nina Department of Foreign Affairs (DFA) Undersecretary for Policy Evan Garcia at Department of National Defense (DND) Undersecretary for Legal and Strategic Concerns Pio Batino, habang ang U.S. delegation ay pamumunuan nina Assistant Secretary of State Daniel Russel at Assistant Secretary of Defense David Shear.

Sa pagpupulong, muling pagtitibayin ng mga opisyal ng dalawang bansa ang kanilang pangako sa kapayapaan, seguridad, at economic prosperity sa Asia Pacific region, nakasaad sa pahayag mula sa U.S. Department of State.

Sa ilalim ng EDCA, pahihintulutan ng Pilipinas ang mga tropa, eroplano at barko ng US na palakasin ang rotational presence sa mga base militar ng Pilipinas at magtatayo ang Washington ng mga pasilidad upang maimbakan ng kanilang mga panggatong at kagamitan.

Dinisenyo ang EDCA para isulong ng magkaalyadong bansa ang mga sumusunod: Interoperability, Capacity building tungo sa modernisasyon ng AFP, Pagpapalakas sa AFP para sa external defense, Maritime Security, Maritime Domain Awareness, Humanitarian Assistance and Disaster Response (HADR).

Nilagdaan ang kasunduan noong Abril 2014 nina Defense Secretary Voltaire T. Gazmin at U.S. Ambassador Philip Goldberg. (Elena L. Aben)

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...