Van, sumalpok sa center island; 10 OFW, sugatan

March 17, 2016

Sugatan ang 10 overseas Filipino worker (OFW), na nakatakdang umalis sa bansa patungong Middle East, matapos na bumangga ang kanilang sinasakyang van sa center island sa Pasay City nitong Miyerkules ng hapon.

Ayon kay SPO2 Marilou Sandrino Intia, ng Pasay Traffic Department, sumabog ang kaliwang gulong ng Hyundai Starex van (ARA 2626) na minamaneho ni Elmer Cepe, 23, liaison officer ng Jenerick Agency sa Barangay Palanan, Makati City, kaya nawalan ito ng kontrol sa sasakyan bago sumadsad sa center island sa Roxas Boulevard, sa tapat ng Cuneta Astrodome.

Nabatid na patungong Ninoy Aquino International Airport (NAIA) ang mga biktima para sa kanilang flight nang mangyari ang insidente.

Mabilis na rumesponde ang Pasay Rescue team at agad dinala ang mga sugatang OFW sa San Juan De Dios Hospital dahil sa tinamong sugat sa iba’t ibang bahagi ng katawan.

Nagmula pa sa Pampanga, Tarlac, Laguna at Camarines ang 10 OFW na hindi nabanggit ng pulisya ang pangalan.

(Bella Gamotea)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...