TARLAC CITY - Isa ang Aurora sa mga lalawigang may ipinagmamalaking turismo, at tampok ngayon sa Museo de Baler ang isang kakaibang tourist attraction, ang art exhibit na may temang “Light Out of the Box”.
Ayon kay Vincent Gonzales, pioneer member ng Tareptepism Artists sa lalawigan, layunin ng exhibit na ipakita ang mga natatagong talento at talino ng mga taga-Aurora sa larangan ng visual arts.
Napag-alaman na ang mga grupo ng mga pintor sa lalawigan ay kinabibilangan ng Tareptepism Art Society, Kulay Pasipiko, at Takipsilim Artists.
Sinabi ni Gonzales na isang buwang bukas ang exhibit, na inorganisa ng pamahalaang bayan ng Baler. (Leandro Alborote)
Probinsya
