Libu-libong pasahero ang muling naperhuwisyo sa panibagong aberya sa operasyon ng Metro Rail Transit (MRT)-3 sa gitna ng rush hour, kahapon ng umaga.
Ayon kay MRT-3 Roman Buenafe, dakong 6:17 ng umaga nang tumirik ang isang tren sa pagitan ng Guadalupe at Buendia Stations southbound sa Makati City, dahil sa bitak o sira sa riles.
Nagngingitngit na naman sa galit na napilitang bumaba ang mga pasahero na naapektuhan ng aberya, na halos araw-araw nang kalbaryo nila.
Agad namang nagpatupad ang pamunuan ng MRT-3 ng limitadong biyahe ng tren nito mula sa North Avenue Station sa Quezon City hanggang sa Shaw Boulevard sa Mandaluyong City lang, at pabalik.
Romina, patuloy na kumikilos pahilaga; hindi na nakaaapekto sa Kalayaan Islands
Pansamantala ring sinuspinde ang biyahe ng tren sa Taft Avenue Station sa Pasay City hanggang sa Shaw Boulevard Station.
Dakong 7:20 ng umaga na bumalik sa normal ang operasyon ng MRT-3. (Bella Gamotea)
