Capadocia, inimbitahan ng Amstelpark-Balita

Kung maramot ang Philippine Tennis Association (PHILTA) kay dating tennis No. 1 Marian Capadocia, bukas-palad naman ang Amstelpark Tennis Academy sa The Netherlands para sa pagtulong sa kanyang pag-unlad sa sports.

Ang Amstelpark ang isa sa itinuturing na pamosong tennis academy sa mundo.

Sa letter of invitation ni Hugo Ekkor, Technical Director ng Amstelpark, inimbitahan si Capadocia at ang kanyang ama at coach na si Jose Capadocia na makiisa sa programa ng Academy para sa taong 2016.

“Nakatutuwang isipin na ‘yung mga foreign officials (na tunay namang nakakaintindi sa tennis) ay nag-aalok ng tulong para mas mapataas ang kaalaman ko sa sports, habang yung mga opisyal natin sa inaasahang dapat sumuporta sa mga atleta, ginagawa kaming kawawa,” pahayag ng 22-anyos na si Capadocia.

Matatandaang sa ikalawang pagkakataon, sa kabila ng pagpupursige ng dating SEA Games at FedCup campaigner na mapataas ang kanyang ranking points, ay muling ibinasura at hindi siya isinama ng PHILTA sa bagong talaan ng national team para mabigyan ng budget ng Philippine Sports Commission (PSC).

Sa rekomendasyon ni PHILTA grassroots director Romeo Magat, isinumite niya ang pangalan nina Bernadeth Balce, Maria Dominique Ong, Edelyn Balanga at Marinel Rudas bilang National Pool, habang nasa ‘priority list’ na tatanggap ng P40,000 allowances sa PSC sina Anna Clarice Patrimonio, Fil-German Katharina Melisa Lenhert, Denise Dy at Khim Iglupas.

Sa nakarang Peugeot Philippine Open na sanctioned ng PHILTA, tinalo ni Capadocia si Ong sa elimination, at ginapi si Iglupas sa finals, 6-0, 2-6, 6-0.

“Hindi ba, dapat the best of the best sa National Team? Para kay Mr. Magat, iba eh! Yung nananalo at may achievement wala sa team. Pero kung bata-bata ka niya, pasok ka sigurado,” sambit ng ina ni Marian na si Chat Capadocia.

Sa kabila nito, patuloy pa rin ang suportang ibinibigay ng PSC kay Capadocia at inaasahan nilang maayudahan din sila ng pamahalaan para sa kanyang paglahok sa Amstelpark.

“Sa totoo lang po, nahihiya na kami sa PSC at sa gobyerno dahil patuloy akong tinutulungan, pero hindi ako makalaro para sa Philippine Team dahil hindi naman ako isinasama ng Philta,” sambit ni Capadocia. (EDWIN G. ROLLON)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...