Pakitang-gilas ang Macway Travel Club at Philippine Christian University-Naughty Needlez sa pagsisimula ng 2016 MBL Open basketball championship, kamakailan sa Rizal Memorial Coliseum.

Pinabagsak ng Macway ang last year's runner-up AMA-Wang's Ballclub, 100-81, habang ginapi ng PCU ang bagong lahok na New San Jose Builders, 120-68, upang ilarga ang kampanya sa matikas na simula sa torneo na itinataguyod ng Millennium Basketball League (MBL) sa tulong ng Smart Sports, Ironcon Builders, Star Bread, Dickies Underwear at PRC Couriers.

Namuno ang dating Universal College of Nursing standout na si Lester Reyes sa balanseng atake ng Macway, naghahangad na masungkit ang unang MBL title sa pangangasiwa nina team manager Erick at Cathy Kirong, at coach Manny Mendoza.

Kumana si Reyes na may 20 puntos, kasunod si Floyd Dedicatoria na may 14, habang nag-ambag sina Nino Marquez at Vince Laude ng 11 at 9 puntos, ayon sa pagkakasunod.

Pamilya, naglabas ng opisyal na pahayag sa pagpanaw ni Chino Trinidad

Nanguna naman sa AMA-Wang’s sina Carlos Dizon and Jayson Jordan n may tig-16 puntos.

Iskor:

(Unang laro)

PCU (120) -- Ayonayon 21, Sazon 17, Catipay 13, Castro 13, Tambeling 10, Vasquez 8, Olouta 7, Mescallado 6, Corpuz 5, Dangca 4, Ruaya 3, Leron 3, Abrigo 3, Ezeike 2, Bautista 0.

San Jose Builders (68) --Ambulodto 18, Bermudo 15, Puspus 11, Maloles 7, J.Acuzar 3, Palogan 3, JM Acuzar 3, Sumay 2, Santos 2,A.Acuzar 0, Telles 0, Sofranes 0.

Quarterscores 34-24, 64-33, 90-51, 120-68.

(Ikalawang laro)

Macway (100) -- Reyes 20, Dedicatoria 14, Marquez 11, Laude 9, Lagrimas 8, Alao 6, Natividad 6, Santiago 5, Mangaran 5, Sanders 4, Guiyab 4, Espinosa 3, Dalanon 3, Vitug 2, Martinez 0.

AMA-Wang's (81) -- Dizon 16, Jordan 16, Calma 14, Macaranas 8. Alupani 7, Angeles 6, Magpantay 4, Carpio 3, Dulnaon 2, Castro 2, Escoto 2, Quijano 0, Tobias 0, Gutierez 0.

Quarterscores 19-20, 44-32, 66-51, 100-81.