TINANONG ang producer ng Panahon ng May Tama #Comi-Kilig na si Joed Serrano sa presscon ng show kung ano na ang nangyari sa offer niya kina Maine Mendoza at Alden Richards na mag-concert.
Pumutok ang balita noong Oktubre 2015 na inalok ni Joed ang dalawa para sa Valentine show nila na gaganapin sa Smart Araneta Coliseum ngayong buwan at 8-digit ang talent fee.
May aberya palang nangyari kaya ikinasa niya ang Panahon ng May Tama #Comi-Kilig na pagbibidahan ng comedy bar superstars sa pangunguna nina Ate Gay, Boobsie Wonderland, Gladys Guevarra, at kasama ang sikat na DJ na si Papa Jack.
Babaeng gusto na magkaanak, nakipag-s*x sa iba dahil laging busy ang partner niya
Kuwento ni Joed, totoong inalok niya ng tumataginting na P20-M ang AlDub.
“As you can see, totoo ‘yung date ko kasi, nasa akin ‘yung date na Feb. 13 and 14 ng Araneta,” kuwento ng bigtime concert producer. “After formalizing the offer with the contract, I patiently waited for reply and decision from Alden Richard’s and Maine Mendoza’s respective managers. Nakausap ko sila nang paulit-ulit.
“So, late last year, they informed me that the planned concert for two nights this February 13 and 14 nga would require much time and effort for preparation. Totoo naman din kasi ang pagpi-prepare ng concert, eh matagal.
“So, kung ang artista, eh, medyo busy, magsa-suffer ‘yung concert. Plus, of course, there’s a different plan from GMA-7 and TAPE office (humahawak ng career nina Yaya Dub and Alden) for the two of them.
“But after that offer, alam n’yong makulit ako, nag-concentrate ako ng solong offer for Alden. To cut the long story short, because of their hectic schedule, ang desisyon ng management ay maghintay until middle or latter part of this year. Or depende. Or GMA-7 will do it on their own. Ako, nandu’n ako sa posisyon na wala akong tinanggihan, ako ‘yung nag-offer.
“In any case, I thank their managers for studying my offer even if they had to decline eventually. But ‘yung local tours ko, like this coming Feb. 21, I’ll have Alden in Clark, so tuluy-tuloy ‘yung local. But ‘yung Big Dome, nasa gitna or latter part or depende kung ano ang mapagkasunduan ng GMA,” mahabang paliwanag ng concert producer.
Nakapanghihinayang naman dahil hindi lang local shows ang offer ni Joed kasama pa ang international.
Hindi man natuloy ang AlDub, naniniwala si Joed na Panahon ng May Tama #Comi-Kilig na ang puwedeng itapat sa lahat ng shows ngayong Araw ng mga Puso. Kaya sa Pebrero 13 ay magsasama-sama ang magagaling na comedy acts ng ating bansa muna sa direksyon ni Andrew de Real. (Reggee Bonoan)
