Pinagtibay ng Court of Appeals (CA) ang naging pagsibak sa tungkulin kay Ombudsman Special Prosecutor Dennis Villa-Ignacio dahil sa serious dishonesty kaugnay ng pamemeke nito sa ilang dokumento.

Taong 2010 nang unang hinatulan ng Ombudsman ng guilty si Villa-Ignacio, ngunit hiniling ng huli na mabaligtad ang nasabing ruling.

Batay sa dalawang-pahinang resolusyon ng CA, na isinulat ni Associate Justice Myra Garcia-Fernandez at sinang-ayunan nina Associate Justices Fernanda Lampas Peralta at Francisco Acosta, nabigo umano ang dating opisyal na makapaglahad ng mga argumento na maaaring maging dahilan para baguhin ang naunang kautusan.

Nag-ugat ang kaso matapos matuklasang umaabot sa 113 ang mga pagliban ni Villa-Ignacio sa trabaho at 63 araw sa mga ito ay hindi deklaradong official leave.

National

'Carina,' patuloy sa paglakas; Signal No. 2, nakataas sa Batanes

Nakita rin sa record na ang secretary at anak ni Villa-Ignacio ay lumiban naman ng 166 na araw noong 2008.

(Beth Camia)