PAPASABOG NA ANG POPULASYON-Balita

HALOS ilang taon pa lamang ang nakalilipas, ayon sa National Census and Statistics Office, ang populasyon ng ating kakapurit na bansa ay 100 milyon na. Nakakalula. Kamakailan ay mas tumaas pa ito. Aabot na umano ang ating populasyon sa 104 MILYON.

Sa liit ng ating minamahal na bansa ay malapit na tayong umabot sa 104 milyong populasyon? Hala! At hindi manlang yata nababahala ang kasalukuyang administrasyon at ang mga opisyal.

Hindi ba’t ang kakambal na problema ng over-population ay kagutuman, kawalan ng trabaho, problema sa kalusugan, tirahan at edukasyon?

Kung patuloy sa paglobo ang ating populasyon, asahan na natin ang mga susunod. Kakapusan sa pagkain o sa kakainin dahil hindi sasapat ang mga aanihin ng ating mga magsasaka dahil sa dami ng magsisikain. Kakapusin sa mga masasaka o taniman dahil tiyak na karamihan sa mga bukirin ay magiging pamayanan na rin. Kakapusan sa mapapasukang trabaho sapagkat dumarami ang tao ngunit hindi nadaragdagan ang oportunidad. At problema rin sa kalusugan sapagkat ang labis na populasyon ay nanganganak ng kung anu-anong kakambal na sakit. Problema sa edukasyon sapagkat kapag tumambak ang magsisipag-aral, kailangan din natin ng maraming guro, school building, desk, mga libro at iba pa.

Sa ating bansa, sapagkat tayo ay isang bansang Katoliko, bawal ang pagkitil sa buhay ng mga sanggol maging ang pasibol pa lamang sa sinapupunan. Pro-life ang tawag ng mga “mababait” na Pinoy. Anumang plano at programa para makontrol man lamang ang pagdami ng populasyon ay nabibigo dahil dito. Laging isinasali ang Diyos sa problemang ito.

Sa China ay maagang napag-aralan at napaghandaan ang problemang ito. Nang mapansin nila ang mabilis na pagdami ng kanilang populasyon ay nagsabatas sila na bawal ang magkaanak ng DALAWA at hanggang ISA lang maaari. Kaya mula sa pagiging mahirap bansa, isa na ngayon ang China sa mga bansang maunlad ang ekonomiya. Matatag ang kanilang kabuhayan. Ngayon, sapagkat kumokonti naman at tantiyang kukulangin ang kanilang labor force sa susunod ng mga taon, ang dating batas na ISA lamang ang maaring maging anak ay ginawang hanggang DALAWA.

Ang China ay magaling sa pagpaplano at malayo ang pananaw. Ang mga Pinoy ay sanay lamang na tumanghod at maghintay sa magaganap. (ROD SALANDANAN)

Pusa hinagis sa dagat para sa content; dalawang menor de edad, timbog

Matapos mag-viral at umani ng mga negatibong reaksiyon ang video ng isang pusang inihagis sa dagat, tuluyang nasakote ng pulisya ang dalawang menor de edad na siyang nasa likod ng nasabing video.Kumalat ang nasabing video noong Miyerkules, Setyembre 18, 2024 kung saan makikita ang menor de edad na lalaki na inihagis ang isang pusa patungo sa dagat. Ang nasabing content ay inasistahan din ng isa...

72 PDL's ng Manila City Jail, naka-enrol sa PUP Open University

Sa makasaysayang pagkakatapon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...

Speaker Romualdez, tatakbong presidente sa 2028 sey ni VP Sara

ROMUALDEZ FOR PRESIDENT?Sinabi ni Vice President Sara Duterte na tatakbo umano bilang pangulo ng bansa sa 2028 si House Speaker Martin Romualdez. Sa isang ambush interview nitong Miyerkules, Setyembre 18, ayon kay Duterte, sinabi sa kaniya ng mga kaalyado niya sa House of Representatives na pinag-uusapan umano ang tungkol sa impeachment niya at pagkandidato ni Romualdez sa 2028.“Ang sinasabi sa...