HOUSTON (AP) - Nagposte si James Harden ng 23 puntos, 15 rebounds at 10 assists,habang umiskor ng season-high 29 na puntos si Trevor Ariza para pangunahan ang Houston Rockets sa paggapi sa Dallas Mavericks,115-104.
Naiiwan pa ng isa ang Rockets sa pagsalta ng laro sa fourth quarter,bago nagsalansan ng 14-4 run na tinampukan ng tatlong sunod na 3-pointers nina Ariza, Jason Terry at Josh Smith para itayo ang 98-89 na bentahe, may 9 na minuteo pa ang nalalabi.
Nakasingit pa ng isang lay-up si Chandler Parsons, bago nagtala ng limang sunod na puntos ang Houston na nagtaas sa kanilang lamang sa 103-91 na hindi na nila binitawan hanggang maangkin ang tagumpay.
Nauwi sa wala ang naitalang season-high 31 puntos ni Parsons dahil sa pagkahulog ng Mavericks sa ikalawang sunod na kabiguan.
'Pikon daw?' UAAP fan na nag-dirty finger, agaw-eksena sa San Juan Arena!
Si Smith na nakuha sa trade mula sa Clippers ay nagposte ng kanyang season-high 16 puntos sa ikalawang laro niya makaraang magbalik sa Rockets.
Lamang ng 13-puntos sa kalagitnaan ng fourth canto, nagtala pa ng apat na puntos ang Rockets kabilang ang two-handed dunk ni Ariza para iangat ang kanilang bentahe sa 112-95, apat na minuto ang nalalabing oras sa laban.
Ang triple-double, ang ikalawa ni Harden ngayong season at pang-walo sa kanyang career ay kanyang nakumpleto matapos ang isang assist kay Clint Capela na nag-alley-oop dunk may 1:26 pang natitira sa fourth period na nagbigay sa Rockets 115-102 na kalamangan.
Hindi pa nakalaro sa Houston si Dwight Howard na dalawang sunod na laro nang hindi nag-suit-up para sa koponan dahil sa iniindang “sprained left ankle”.
Naitala ni Ariza ang unang 6 baskets kabilang ang apat na 3-pointers sa first quarter kung saan siya umiskor ng 16-puntos. Naghinay-hinay siya sa kanyang laro sa second canto na sinamantala ng Mavericks para agawin ang kalamangan sa halftime, 58-50.
