Nabigo si Southeast Asian Games multi-medalist Richard Gonzales na maulit ang kanyang third place finish noon 2014 makaraang umabot lamang ng quarterfinals sa kanyang ginawang paglahok sa 2016 World Championship of Ping-Pong na ginanap sa Alexandra Palace sa London.
Naputol sa dalawang sunod ang panalo ng 44-anyos na si Gonzales makaraang yumukod sa eventual champion na si Andrew Baggaley ng England, 2–0, (15-8, 15-12).
Mula roon ay inangkin ng Briton ang titulo matapos magwagi sa marathon 5-set kontra kay Maxim Shmyrev ng Russia, 3-2, (13-15, 15-5, 14-15, 15-14, at 15-11).
Kasalukuyang No.1 player ng Pilipinas si Gonzales, gold medalist noong 2005 Southeast Asian Table Championship ay unang nagwagi laban kina Filip Mlynarski ng Poland, 2-0 (15-10, 15-10), at si Dmytry Popov ng Russia sa tatlong set, 15-12, 11-15, 15-7, para makausad sa Final Eight.
Isa ang Cebuanong si Gonzales sa mga pambansang atleta na nagnanais na magkuwalipika sa nalalapit na 2016 Rio De Janeiro Olympics sa Brazil.
PhilTa, level-up sa pagsusulong ng tennis dahil sa impluwensya ni Alex Eala!
Naging konsolasyon naman para sa Pinoy ang pag-uuwi ng premyong $3000 dahil sa kanyang pag-abot ng quarterfinal round.. (Angie Oredo)
