Tinatayang nasa R180 milyong halaga ng shabu ang nasabat ng mga operatiba ng Philippine Drug Enforcement Agency (PDEA) mula sa dalawang Filipino-Chinese sa Valenzuela City, kahapon ng umaga.
Sa report ni PDEA Usec. Director General Arturo Cacdac, Jr., kinilala ang mga suspek na sina Sonny Ang y Perine, 67, ng La Trinidad, Benguet; at Benito Tiuseco y Sia, 47, ng San Pablo,Laguna.
Dakong 8:00 ng umaga nang isagawa ng PDEA Special Enforcement Service ang buy-bust operation, sa pamumuno ni Director Ismael Fajardo, sa Barangay Lawang Bato sa Valenzuela City at nasorpresa ang dalawang suspek, na miyembro umano ng isang big-time drug syndicate.
Nakumpiska kina Tiuseco at Ang ang 37 kilo ng shabu na nagkakahalaga ng P180 milyon mula sa isang bodega sa Bgy. Lawang Bato.
Ex-Pres. Duterte, ikakampanya si Quiboloy: 'Marami siyang alam sa buhay!'
Ayon kay Fajardo, isang linggo nang sinusubaybayan ng PDEA ang mga aktibidad ng sindikato bago ikinasa ang buy-bust operation.
Patuloy namang tinutugis ng PDEA ang iba pang mga kasamahan nina Ang at Tiuseco. (JUN FABON)
