Ex-Sarangani governor, absuwelto sa malversation

January 09, 2016

Inabsuwelto ng Sandiganbayan si dating Sarangani Governor Miguel Escobar sa kasong malversation kaugnay ng paggamit ng ng pekeng dokumento sa paglalabas ng P300,000 pondo na gagamitin ng isang kooperatiba.

Kabilang sa mga pinawalang-sala ng anti-graft court sina dating Provincial Administrator Perla Maglinte, dating Assistant Provincial Treasurer Rosario Concon, dating Assistant Provincial Agriculturist Patricio Sol, at dating Provincial Council Clerk Renante Dialawe.

“In the case of accused Escobar, Maglinte, Concon and Sol, the Court finds that they did not take advantage of their official positions,” saad sa desisyon na isinulat ni Second Division Chairperson Teresita Diaz-Baldos at kinatigan nina Associate Justices Napoleon Inoturan at Maria Cristina Cornejo.

Unang inakusahan si Escobar at mga kasamahan niya ng pagbabayad ng P300,000 bilang ayudang pinansiyal na hiniling ni Mohammad Mudi, umano’y chairman ng Kanalo Multi-Purpose Cooperative, bagamat walang pormal na kahilingan mula sa huli at hindi rin nito natanggap ang naturang halaga.

Subalit napatunayan ng korte na guilty si Dialaw sa pamemeke ng mga public document at hinatulan itong makulong ng apat hanggang walong taon at pinagmumulta ng P5,000. (Jeffrey G. Damicog)

Mga klase, pasok sa tanggapan ng gobyerno suspendido sa Oktubre 31

Suspendido na ang mga klase sa lahat ng antas gayundin ang mga pasok sa tanggapan ng gobyerno sa darating na Oktubre 31 ng 12:00 ng tanghali, para sa paggunita ng All Saints' Day at All Soul's Day, ayon mismo sa Malacañang.Sa ipinalabas na Memorandum Circular No. 67 na nilagdaan ni Executive Secretary Lucas Bersamin, wala nang pasok sa nabanggit na oras at petsa para magbigay-daan sa...

Baggage handling system sa NAIA 3, bumigay; nagdulot ng aberya sa mga pasahero

Daan-daang pasahero ang nakaranas ng aberya dahil sa bumigay na baggage handling system sa terminal 3 ng Ninoy Aquino International Airport (NAIA) nitong Martes, Oktubre 22.Sa huling Facebook post ng Cebu Pacific nitong Martes ng tanghali, Oktubre 22, inaksyunan na nila ang problema sa nasabing terminal kasama ang New NAIA Infrastructure Corp. (NNIC).“CEB has established a dedicated team to...

‘Kristine’ bahagyang lumakas habang nasa PH Sea ng Bicol Region

Bahagya pang lumakas ang Tropical Storm Kristine ang kumikilos ito sa Philippine Sea sa silangan ng Bicol Region, ayon sa Philippine Atmospheric, Geophysical and Astronomical Services Administration (PAGASA) dakong 5:00 ng hapon nitong Martes, Oktubre 22.Sa update ng PAGASA, huling namataan ang sentro ng Tropical Storm Kristine 390 kilometro ang layo sa silangan ng Daet, Camarines Norte.Taglay...