PEACE TALK-Balita

DAHIL sa tumitinding pag-iiringan at paghahasik ng mga karahasan ng iba’t ibang rebel groups, lalong tumindi ang pagpapaigting ng mga peace talk sa panig ng gobyerno at ng naturang mga rebelde. Ang mga usapang pangkapayapaan ay marapat na isagawa at tuldukan bago matapos ang panunungkulan ni Presidente Aquino.

Ang nauntol na peace talk ng pamahalaan at ng National Democratic Front (NDF) ay matagal na dapat natapos. Isipin na ito, sa aking pagkakatanda, ay nagsimula noon pang panahon ng yumaong Pangulong Cory Aquino – ang itinuturing na icon of democracy. Masigasig siya noon, tulad ng pagiging masigasig ni Senador Benigno Aquino, Jr. na magkakaroon ng mabungang resulta ang NDF at government panel negotiations. Masidhi ang hangarin ni Jose Ma. Sison, ang chairman ng NDF, na maging kaagapay sila ng pamahalaan sa paglikha ng isang mapayapang komunidad.

Ang ganitong peace talk ang dapat paigtingin lalo na ngayong walang patumangga sa paghahasik ng karahasan ang New People’s Army (NPA), ang armed component ng NDF. Kamakailan lamang, iniulat na pinasabog nila ang isang tower ng National Grid Corporation of the Philippines (NGCP) sa Mindanao na naging dahilan ng malawakang brownout sa naturang lugar. Bukod pa rito ang panununog sa mga heavy equipment ng malalaking construction firms. May ulat din na manaka-naka silang kumikidnap ng mga sibilyan at mga alagad ng batas. Bukod pa rito ang pananambang sa mga sundalo, lalo na sa mga naghahatid ng relief goods sa mga sinalanta ng kalamidad.

Marapat ding paigtingin ang kasalukuyang peace talks sa pagitan ng mga rebeldeng Muslim at ng gobyerno. Totoo na nauna nang nilagdaan ng administrasyong Aquino at ng liderato ng Moro Islamic Liberation Front (MILF) ang Bangsamoro Comprehensive Agreement (BCA). Subalit ito ay pinatutulog pa sa Kongreso dahil sa mga probisyon na sinasabing salungat sa Konstitusyon.

Bukod dito, ang mga rebeldeng mula sa Moro National Liberation Front (MNLF) ay umalma sa matuwid na sila man ay marapat ding sinangguni sa pagpapatibay ng BCA. Bunga ng gayong magkasalungat na impresyon, lalo namang umigting ang labanan ng MILF at MNLF, tulad nang iniulat kamakalawa.

Sa ganitong mga labanan at hindi pagkakaunawaan, lalo lamang nararapat ang pagpapaigting ng peace talk sa lahat ng grupo ng mga rebelde sa bansa. (CELO LAGMAY)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...